Еңбекті қорғау және қауіпсіздік техникасы

    2021 жылдың 2 жартыжылдығының 5 қазандағы жағдай бойынша «Семей орманы» МОТР» РММ-де өндіріспен байланысты бірде-бір жазатайым оқиға тіркелген жоқ. Күзгі орманды қалпына келтіру жұмыстарын жүргізуге резерваттың филиалдары арнайы киіммен және жеке қорғаныш құралдарымен қамтамасыз етіледі, сондай-ақ медициналық қобдишалармен, медициналық бетперделермен, антисептикпен қамтамасыз ету жоспарлануда. Шілде айында медициналық комиссияның резерват филиалдарына шығуымен медициналық тексеру жүргізілді, шығын сомасы 5336,9 мың теңгені құрады.

    Жұмысқа жаңадан қабылданғандардың барлығы кіріспе нұсқамадан, өрт қауіпсіздігі бойынша нұсқамадан және қауіпсіздік техникасы бойынша жұмыс орнында алғашқы нұсқамадан өтеді, қайталама нұсқамалар, қажет болған жағдайда жоспардан тыс және нысаналы нұсқамалар өткізіледі.

    Резерватта 11 адамнан тұратын еңбек қауіпсіздігі және еңбекті қорғау қызметі құрылды, олардың барлығы еңбек жөніндегі аумақтық мемлекеттік органда еңбек қауіпсіздігі және еңбекті қорғау бойынша оқытылып, білімдерін тексерді, оның нәтижелері бойынша оларға белгіленген үлгідегі сертификаттар ұсынылды.

    Қалыптасқан эпидемиологиялық жағдайға байланысты «Семей орманы» МОТР» РММ-нің қызметкерлерін COVID-19 қарсы вакцинациялау бойынша жұмыстар белсенді жүргізілуде.

    Бүгінгі таңда 2021 жылғы 5 қазандағы жағдай бойынша тұрақты штаттағы қызметкерлердің нақты саны 576 адам, оның ішінде 549 адамға екпе салынды, бұл 95% құрайды. Вакцина алмаған 27 адам 5% құрайды, оның 21-і медициналық себептерге байланысты.

    Қазіргі уақытта жылу беру маусымының басталуына байланысты Семей филиалының қазандық от жағушылары-машинистеріне жұмысқа рұқсат ала отырып, өнеркәсіптік қауіпсіздік бойынша оқыту жоспарлануда.

    Еңбек заңнамасы еңбек құқығы мәселелерін, санитарлық-гигиеналық және техникалық заңдарды реттейді, ал қауіпсіздік техникасы мен өндірістік санитария қауіпсіз еңбек жағдайларын қамтамасыз етуге бағытталған. Жылдан жылға мемлекет еңбек ететіндер үшін неғұрлым қолайлы еңбек жағдайларын жасай отырып, еңбекті қорғауды жақсартуға үлкен қаражат бөледі.

    Еңбек қауіпсіздігін қамтамасыз ету, жұмысшыны шамадан тыс жүктемеден босату жұмсалған энергияны тиімді пайдалануға және сол арқылы еңбек өнімділігін арттыруға ықпал етеді. Қауіпсіздік қамтамасыз етілмеген жерде жоғары еңбек тиімділігі жоқ.

    Еңбекті қорғаудың мақсаты-қызметкерлердің еңбек қызметін жүзеге асыру процесінде олардың өмірі мен денсаулығын сақтау және жұмыс орындарында қауіпсіз және салауатты еңбек жағдайларын қамтамасыз ету.

    Еңбек қауіпсіздігі және еңбекті қорғау саласындағы негізгі міндет резерват басшылығымен әрбір жұмыс орнында қауіпсіз және салауатты еңбек жағдайларын жасау, өндірістік жарақаттану мен кәсіптік аурулардың алдын алу болып табылады, бұл үшін ұйымдастыру-техникалық, әлеуметтік-экономикалық және емдеу-алдын алу іс-шаралары кешені жүргізіледі:

  - қауіпсіз еңбек әдістеріне сапалы оқыту, нұсқамалардың барлық түрлерін уақтылы өткізу, қауіпсіз еңбек жағдайларын жасау;

    - жеке қорғаныш құралдарымен, арнайы киіммен қамтамасыз ету;

  - ауыр жұмыстарда, еңбек жағдайлары зиянды және қауіпті жұмыстарда істейтін қызметкерлерді Қазақстан Республикасының заңнамасында белгіленген тәртіппен жыл сайынғы мерзімдік медициналық тексеруден өткізу.

    Қызмет штаты 11 маманды құрайды, резерват басқармасында бір маман және әрбір 10 филиалда (Бородулиха, Беген, Бөкебай, Долон, Жаңасемей, Канонерка, Морозов, Новошульба, Семей, Тау-Дала филиалдары) кәсіпорындағы еңбек қауіпсіздігі мен еңбекті қорғауға ішкі бақылауды жүзеге асыратын қауіпсіздік техникасы және еңбекті қорғау жөніндегі инженердің 1 бірлігі бар.

    Жұмысқа жаңадан қабылданғандардың барлығы қолданыстағы заңнамаға сәйкес міндетті түрде медициналық тексеруден өтіп, олармен еңбекті қорғау және қауіпсіздік техникасы жөніндегі инженер кіріспе нұсқама және жұмыс орнында учаске басшысы алғашқы нұсқама жүргізеді, одан әрі тоқсан сайын қайталама нұсқамадан өтіп отырады. Нұсқамалардың барлық журналдары тігілген, нөмірленген және мөрленген. Сондай-ақ, қажет болған жағдайда жоспардан тыс және мақсатты нұсқаулықтар өткізіледі.

    Орман шаруашылығындағы жұмыстың ерекшелігі - бұл ашық ауада жүргізілетін жұмыстар, тұқымбаққа егу, оны күту, орман екпелерін отырғызу, оларды күту, өртке қарсы жыраларды дайындау, минералданған жолақтарға күтім жасау, биотехникалық шаралар және т.б., осыған орай барлық тұқымбақтарда демалып, тамақтану үшін үйлер салынған.

    Орман өрттерін қарауылдау, ағаш дайындау, орман қорғау жөніндегі уақытша бекеттерде және т. б. кезінде қолданылатын демалу мен тамақтануға арналған жылжымалы күркелер бар.

    Барлық филиалдарда қауіпсіздік техникасы және еңбекті қорғау кабинеттері бар, онда кіріспе нұсқама, білімін тексеру, сабақтар, дәрістер, әңгімелесулер өткізіледі. Кабинеттер еңбек қауіпсіздігі және еңбекті қорғау жөніндегі үлгілік бұрыштармен, орман шаруашылығы жұмыстарын жүргізудің қазіргі заманғы технологиялары туралы, алғашқы медициналық көмек көрсету, Қазақстан Республикасының Еңбек Кодексіндегі өзгерістер туралы ақпараттық стендтермен, еңбекті қорғау қызметі әзірлеген және кәсіпорын басшысы бекіткен жұмыс түрлері бойынша Қауіпсіздік техникасы жөніндегі нұсқамалармен жабдықталған.

    Семей орманы» резерватының басшылығы қолданатын, қауіпсіз еңбек жағдайларын қамтамасыз ету, жұмыс орындарының санитарлық-гигиеналық жай – күйінің, медициналық қызмет көрсетудің, қол еңбегін механикаландырудың деңгейін арттыру бойынша шаралар кәсіпорынның тұрақты жұмысын, жарақатсыз жұмысты және қойылған міндеттерге қол жеткізуді қамтамасыз етеді.